સુરતના ડીંડોલી રંગીલા પાર્ક સોસાયટી નજીક કોઠારી જ્વેલર્સ આવ્યું છે. જ્યાં ગુરુવારે બપોરના અઢી વાગ્યાના સમયે ખરીદીના બહાને લૂંટારુઓ ગ્રાહકના સ્વાંગમાં આવ્યા હતા.
ડીંડોલી પોલીસને ઘટનાની જાણ થતાની સાથે જ ઉચ્ચ અધિકારીઓએ સમગ્ર ઘટનાને ગંભીરતાથી લીધી હતી. આરોપીઓની શોધખોળ શરૂ કરતા પોલીસે સૌપ્રથમ જ્વેલરીની દુકાનમાં લાગેલા સીસીટીવી ફૂટેજ તપાસ્યા હતા. સમગ્ર ઘટના સીસીટીવીમાં કેદ થતા પોલીસને ઝડપથી આરોપીઓ સુધી પહોંચવાના પગેરું મળી ગયા હતા. તેમજ ડિંડોલી પોલીસે પોતાના સ્થાનિક નેટવર્કનો ઉપયોગ કરીને હ્યુમન સોસિસર્સના આધારે પોલીસે ગણતરીના કલાકોમાં જ આરોપીઓને ઝડપી પાડવામાં સફળતા મેળવી હતી. પોલીસે સુરેશ ખટીક, જયદીપ અને ત્રીજો સગીર આરોપીની ધરપકડ કરી છે. ત્રણેય આરોપી સુરતના ગોડાધરાના રહેવાસી છે. હાલ પોલીસે આરોપી કયાના છે અને અત્યાર સુધી કેટલા ગુના ઓને અજામ આપી ચૂક્યા છે તે અંગે તપાસ શરૂ કરી છે.
